إسأل نفسك (عامية )

6:36 م Edit This 5 Comments »

1

تقدر تنسى ..؟؟

تقدر تدفن جوّه الروح ..

أيام بُعدك ..

وتصلي صلاة الجنازات ..

وتشيع جثة أحلامك

ويّا الباقي من ال..

حكايات..

ترجع بعد الدفنة وتبكي..

وتلبس لون الغربة الماشية ف دمّك

تعرف لون الضحكة

اللي انت نسيتها

ف شنطة سفرك

ومفكرتش يوم ترجع لك ..

2

تقدر تعمل جسر لقلبك ؟؟

يعبر بيه للفاضل منك

م اللي باقي لك

من تفاصيل البنت السمرا

اللي بتكتب فيها قصايدك

واللي بتقرا الشعر وترسم

بابتسامتها لقلبك

دار ..

واللي تصالحك

لما يخاصم نبضك

قلبك باستمرار

3

تقدر تنسى ف حضن الليل

انك مش عايش؟؟

وان القمر العالي

باصص لك

وانك لما لمسته ف يوم

انكسرت نفسك

فبقيت تكتب

كل قصايدك

حزن وموت

4

تقدر تمشي لأول

كلمة نطقها لسانك ؟؟

أو لمكان ترتاح فيه منك

من لخبطتك بين خطواتك

أو نهايات

أنفاس الروح

روح واستني ..

لحد ما عمرك

يخلص منّك

وانت بتحسب تقدر واللا..

تعيش مهزوم..
دبي 29/6/2008

5 التعليقات:

Dr.Hanan يقول...

السلام عليكم أستاذ مجدي
لا أدرى لم انفعلت معها جداً..ربما لأنى أيضاً غربة..صدقنى أستاذ مجدي بعد إدمان الغربة لا تستطيع أن تميز جيداً بينك وبينها..هل أنت هي أم هي أنت..
كلماتك قوية ومؤلمة
لكنها حقيقية
تحياتي
د.حنان فاروق

غير معرف يقول...

أول مصافحه لمدونتك . مساء الخير علي عيونك يا شاعرنا الجميل . منور الدنيا و الله .

أخوك / عبدالله صبري

سمو الأميرة سارة يقول...

م اللي باقي لك

من تفاصيل البنت السمرا

اللي بتكتب فيها قصايدك

واللي بتقرا الشعر وترسم

بابتسامتها لقلبك

دار ..

واللي تصالحك

لما يخاصم نبضك

قلبك باستمرار

_______________

رووووووووعة بجد

للاسف ناس كتبر بتفتكر انها ممكن تنسى

وبتحاول تنسى او تتناسى

لكن مستحيل حاجات زى دى تتنسى لأنها باختصار كيان اى انسان

مجدي طه أحمد يقول...

د.حنان
عبد الله صبري
سارة

سعدت جدا بمروركم علي مدونتي
أتمني ان تسامحونني علي التأخير في الرد نظرا لوجود مشاكل كانت في نظام التعليق
مرة اخري اشكركم جميعا

•√أريـ السمر ـج√• يقول...

روعة .. سلم قلمك

رغم أنينه و غربته ألا أنه قلم مبدع

ملحوظة: أختيار المقطوعة الموسيقية غاية بالتوفيق و الروعة مع أنين كلماتك

------

لك عندي تاج .. أتمنى أن تقبله مني

http://ana-we-heya.blogspot.com/
دمت بكل الخير
و دائما بأبداع