آخر نَفَس (عامية)

7:55 ص Edit This 2 Comments »
العيد خلص ..

والكحكه نشفت م الهوي ..

والشاي برد ..

قلت إتفرد فوق السنين

وامضغ شوية ذكريات ..

المشكلة ..

انك بقيت تلاتين سنة ..

والقلب عمره الف عام

زارعين علي عنيك الكآبة والملل ..

تلاتين خلل ..

قلبك ورق

يوم ينطوي ..

يوم ينتني ..

يوم يتحرق ..

والكل بيشخبط

النبض يتلخبط

يعلن تسمم ف البدن

كتر المحن اصبح طريق



لما بدوخ ..

وادخل حيطانه التقي

حبة صور

من علبة الزمن القديم متكونة

ومدونة جواه شعب

انسي التعب

وافضل اغني للصور

للعمر لما ينسرق

ساكناك جبال

ساكناك حفر ..

وايام سفر ..

وذنوب يا ريتها

تتغفر ..
وسكات ماليك..

اكتم سكاتك الا غيرك يسمعه

واللا اخلعه

وارميه بعيد..

المستفيد م القلب راح

سابلك جراح

خلص كتابه وشخبطه

ورماك علي كل الطرق

ماهو اصل قلبك ..

من ورق

2 التعليقات:

r يقول...

دا قلب طيب مش ورق
بس الزمن ما بيكسر غيره
كلماتك جميله اوى
اول مره اقراللك عامى
الى الامام دايما اخى العزيز
دمت بود
بسنت

30 مايو 2008 في 2:14 ص  
مجدي طه يقول...

اختي الكريمة بسنت
شكرا لك علي زيارتك لصفحاتي واتمني ان لا تنقطع مطالعتك
تقبلي خالص احترامي

1 يونيو 2008 في 1:09 ص  

إرسال تعليق

رسالة أحدث
رسالة أقدم