سكت الكلام (عامية)
5:37 ص Edit This 0 Comments »1
اه يا بلد .....
الحلم فيها مستحيل ..
والحب فيها مستحيل..
مليون دليل علي حلم مات ..
زمن السكات ..
زمن التمزق والشتات ..
وعيون بتروي أرض عطشانه و
.. موات
..أطفال بتحلم يوم بعيد..
ويلونوا في الحلم
ويغنوا نشيد..
( العيد خلص .. العيد خلص
اتكلموا .. لأ نتخرص
اللي هيتكلم يموت
.. واللي يحاول ..
يتفرس )
2
بسمع حليم:
سكت الكلام ..
والبندقية اتكلمت..
الله عليك يا عندليب..
يا ثورة ماتت
زي ما يموت الغريب ..
البندقية اتكلمت ..
يوم سته ابريل اللي فات..
والحلم مات ..
ولا فيه عزا ....
ولا فيه كفن..
3
سكت الكلام
والليل طويل ..
مش مستحيل
الشمس ترجع يوم تبان..
ولا فيه زمان بيدوم ضباب طول الزمان
مستنيين الشمس بكرة تضمنا ..
مستنيين النور ف يوم يرجع لنا
ويلمنا حضنك يا مصر ..
0 التعليقات:
إرسال تعليق