يتيم إحساس (عامية)

6:46 م Edit This 1 Comment »

حنين ميّت
ومرجيحة في شجرة صنت
وبعض الصمت
وشوية سكات للروح
وبيت مهجور
وكُبس النور بدون مصباح
وكرسي قديم
وطفاية
وصوت قنديل*
(تلات سلامات يا واحشني تلات ايام)
وصورة ابويا ع الحيطة
بيضحك لي
برغم الموت
وطول البعد
ومرايه
في باب لدولاب عليه صورتي
ومش عارف
برغم حنين
ومرجيحة
وشجرة وصمت
وكبس النور وطفاية
وتلات سلامات
وصورة وبُعدومرايه
باحس اني باعيش وحدي
وحتي وكل دول جنبي
انا قلبي
يتيم احساس
يعيش العمر متغرب
ولما يموت
يموت وحدُه..
* (قنديل) هو المطرب محمد قنديل

1 التعليقات:

سمو الأميرة سارة يقول...

ياااااااااااه .. احساس صعب بس تعرف انى احيانا بحس بالانس مع الحاجات اللى فى البيت زي المرجيحة الطفاية المراية الحاجات دى وبحاول ما احسش بالوحدة

تسلم ايدك يا مجدى بجد