ليه سافرت؟؟ (عامية)

6:55 م Edit This 2 Comments »

شنطة سوده ..

نضارات غالية وموبايل..

لبس هايل ..

ساعة ماركة

وكمبيوتر

م اللي يتشال ع الكتاف..

هي دي حصيلة سنينك؟؟

هوه ده تمن البعاد؟؟

اللي عاد منك

مش انت..

حد تاني بقلب ميت..

حد جوه عنيه نهايته..

وف مرايته يبان روحين..

روح دفنها

تحت ختم جواز بعاده..

وروح لقاها لما راح..

اللي عاد

ميت بشنطه

مستخبي من الجراح..

يوم رجوعه ..

كان سؤال ملكين في باله..

مين إلآهك؟

مين نبيك؟

ليه سافرت؟؟

دبي/17/6/2008

2 التعليقات:

•√أريـ السمر ـج√• يقول...

سلم قلبك رغم كلماته النازفة

للأسف الغربة بتموت حاجات كتير .. و ما حدش بيسافر يرجع هو نفسه بعد السنين ما بتغربه

اسعد الله قلبك و ردك سالما
دمت بكل خير

مجدي طه يقول...

شكرا لزيارتك مدونتي (أريج السمر)
دمت بكل ود